Thursday, November 19, 2009

Намхан залуу LOSER?

Хэд хоногийн өмнөөс Солонгост LOSER гэдэг үг маш их хит болж байна аа. Шалтгаан нь гадаад эмэгтэйчүүд оролцон чөлөөтэй яриа өрнүүлдэг "Гоо бүсгүйчүүдын яриа" нэвтрүүлгийн саяханы дугаарт оролцсон Солонгос охидын ярианаас үүдэлтэй юм.

Нэвтрүүлгийн энэ дугаарын сэдэв нь
"Намхан эрэгтэйтэй үерхэж чадна?"
.
Нэг талд нь гадаад бүсгүйчүүд нөгөө талд нь солонгос охид суун дээрх сэдвийн дагуу ярилцаж байна. Солонгос охидын ихэнхи нь яасан ч чадахгүй гэсэн хариултыг өгсөн бөгөөд харин гадаад эмэгтэйчүүд нэлээн уян хатан хандаж байгаа харагдахын.
(солонгос гэдэг үгийг со-р товчилно).
Нэвтрүүлгийн эхэнд нэгэн со охин өөрийнх нь өндөр 170 гэдгийг хэлээд түүний хувьд 180смээс доош өндөртэй залуучууд Лүсэр гэж хэлсэн нь олныг цочроож эрэгтэйчүүдийг нэлээн бухимдуулаад авав.

Гэтэл бас нэгэн со охин өөрийн уншсан судалгааныхаа талаар хэлж байна. Судалгаа нь басл эрэгтэй хүмүүсийн өндөртэй холбоотой байж. Энэхүү судалгаанд оролцсон эмэгтэйчүүдийн ихэнхи нь ~сайн намхан залуугаас хүчирхийлэгч өндөр залуу нь хамаагүй дээр~ гэсэн хариултыг өгсөн байна гэнэ. Юу гэсэн үг вэээээээээээ???би ойлгосонгүй..

Оролцсон бүх со охид эргэлт буцалтгүй намхан залуу хичнээн мөнгөтэй чадвартай мэдлэгтэй царайлаг байсан ч НӨҮ юм байхаа. Энэ асуудал маань цаашлан явсаар гэрлэлтийн асуудалруу яваад орчихлоо. Хөтлөгч асууж байна.
-Болзолд чинь таарвал хайргүй хүнтэйгээ гэрлэж чадахуу?
энэ асуултанд 3 со охин чадна гэж хариулж. Тэдний хэлсэнээр Жан Тун Гон(со-н номер нэг жүжигчин залуу)той хамт жижигхэн өрөөнд бэлэн гоймон идэж сууснаас тохилог сайхан хауст хайргүй хүнтэй хамт амьдарсан нь дээр гэж байна. Өөрөөр хэлвэл
~Хайр ямар Хоол өгөх биш~хайр мэтийн зүйл хэрэггүй.

Зиа энэ мэтчилэн со бол гадаад үзэмжийг нэгт тавьдаг. Охиноо дээд сургуульд орсноос тэр зардалаараа гоо сайхны мэс засал хийлгэсэн нь дээр гэж ятгадаг эцэг эх эгээл байдаг гэж сонсогдоогүй байгаа даа. Эмэгтэйчүүд нь ч яахав мөнгөтэйл бол мэс заслаар хүссэн хэмжээгээрээ хөөрхөн болж болно. Харин залуучууд нь яана. Со-н эрэгтэйчүүдийн дундаж өндөр нь 167см байдаг. Сунгадаг барьдаг технолги хэрэг болох нь дээ. хэхэ


За энэ ч яахав солонгосын асуудал надад ямар хамаатайн гэх гэсэн чинь бас биш ээ. Монголд ч энэ хандлага ажиглагджил байдаг. Ялангуяа хайргүй гэрлэлт. Миний мэдэх царайлаг бол царайлаг ухаантай бол ухаантай өчнөөн сайхан бүсгүйчүүд "мөнгө" хэмээх болзолын дор хурим хийсэн байгааг хараад үнэндээ харамсах сэтгэл төрдөг нь нууц биш.

Дээрх нэвтрүүлэгт оролцсон со охид бас бүгд биш гэдийг бас санах хэрэгтэй. Хэдхэн төлөөлөл. Мэдээж өөр бодолтой сайн охид зөндөөл байгаа. Гэхдээл......Аан сониноос дээр намхан эрэгтэйчүүл Лүсэр гэж хэлсэн охиныг солонгосын бүх эрэгтэйчүүд үзэн ядаж байгаа бөгөөд бас яггүй шийтгэл хүртээд авсан сурагтай. хэхэ


За за бичлэгээ ерөнхийдөө өндөрлөе. Энэ охин шиг хамарны дор хагархай гэж хамаагүй чалчиж байж "Public enemy" болжл болдоггүй юм шүү. :))

Tuesday, November 17, 2009

2012.12.21

Гайхалтай кино нэг ширхэгийг үзчихлээ. Хийцийн талаар бол ярих юм байхгүй. Ер нь зохиол жүжиглэлт этр нь ч гэсэн гайхалтай. Кино маань харьцангуй урт талдаа. 2 цаг 30 минут үргэлжилнэ. Гэсэнч голоор нь ганц эвшээхч зав гарахгүй дээ. Эвшээх нь байтугай би бараг нүдээч цавчаагүй байхаа. :)))
Агуулга нь "Ноа"гийн үетэй их төстэй. Хүн төрөлхтөн сөнөх үед онгоц барьж хэсэг бүлэг хүмүүс болон амьтдын төлөөллүүд амьд үлддэг. Ялгаатай тал нь Ноагийн онгоц модоор хийгдсэн. Харин энэ кинонд гардаг онгоц нь төмрөөр хийгдсэн ба автомат удирдлагатай. Инээдтэй нь онгоцны суудал асар их үнээр урьдчилан зарагдсан.(1000000000$)
Маш сонирхолтой. Үзээгүй хүмүүсээ бодоод энэ хүргээд дуусгая тээ?
Аан тийн. Киноны голоор далай ламын шавьдаа хэлдэг үг надад их таалагдсын.
Далай лам аяганд цай хальтал нь дүүргээд шавьдаа: Энэ аяга шиг чиний толгой бодлоор дүүрэн байна. Хэрэв жинхэнэ мэргэн ухааныг олъё гэвэл аягаа хоосол.
Үзээгүй хүмүүст хандан хэлэхэд хурдан үзээрэй. Зөндөө олон гоё зүйл танийг хүлээж байгаа шүү:))

Sunday, November 15, 2009

Танихгүй хүүхнийг өрөвдсөн нь

Тас харанхуй. Хүчтэй салхи. Хөөсрөн шуугисан давалгаа. Тээр тэнд далайн дунд бүүдэг сүүмэлзэх гэрэлт цамхаг. Нэлээн зайдуу өндөр хадан цохио. Харанхуй шөнө юугаач хардийн гэмээр хэдэн цахлай бас хоол хайн эргэлдэж яваа харагдана. Үүлч нэг гарч ирээл удалгүй алга болоол. Хааяадаа хүчгүй салют буудах чимээ. Гарсан гэрэл нь холч явахгүй тэрүүхэн тэндээ замхран алга болно. Тэнгэрт урьдын өдрүүдтэй харьцуулвал овоо олон од харагдаж байх чинь. Харин далайн эрэг хавиар чийг даасан хүйтэн элс, дээр нь байрлуулсан хэдэн модон сандал. Эдгээр сандалнуудын нэгэн дээр хавар намрын тупль, нимгэн хар савхи өмссөн туранхай байрын хүүхэн, хүүхэнч гэж хүүхэдч юмуу. Хүйтнээс болоод байдгаараа мөрөө хавчсан суугаа харагдана. Боож баглаагүй хэдэн ширхэг үсийг нь салхи хааш нь л бол хааш нь үлээнэ. Цаг аль хэдийнэ 12 өнгөрчээ. Энэ цагт энэ хүүхэн энэ газар юугаач хийж суугаа юм бүү мэд. Тэнгэрлүүч нэг хараал далайрууч нэг хараал. Байрыг ажвал энэ нутгийн хүн лав биш бололтой. Гэнэт тэр хүүхнийг өрөвдөх сэтгэл төрөв. Энэ хүйтэнд ингэж хувцаслан явахч гэж. Тэгээд бүүр очиж очиж далайн эрэг дээр байх ч гэж. Маргааш лав хоолой нь өвдөж цор цор хийн ханиалгах нь гарцаагүй дээ. Яг үнэндээ тэр хүүхэнч тэгнэ гэдгийг мэдэжл байгаал даа. Тэглээ гээд яаахав дээ. Аль хэдийнэ оройтсон. Давхарлаад нөмрөе гэсэн ч хүний ураманд ганц хошуу даавууч байхгүй юм чинь. Би ч сониуч юм болохоороо энэ хүүхнийг энд хэр удаан тэсэхийг нь харахаар шийдэв. 11.10аас хойш ингэж суугаа. Их л удаж цаг болоол эндээс хурдан зайлж одох биз. 12 өнгөрлөө. Суугаадл байна. Овоо муу гар вээ. 1 дөхлөө. Хөдлөх шинжгүй. Өө за за. Энэ хүүхэн ерөөсөө хөшөө болон далайг сахихаар шийдснээс гарцаагүй. Бараг хөдлөхч үгүй суугаад байна ш дээ. Зөө зөө энэ надад ер нь ямар хамаатайн. Галзуурсан биш энэ хүүхэн гуайг харан шөнөжин сууна ч гэж байхгүй шүү. Гэртээ харья дөө. бушуухан амрах минь...........................Хүүе нөгөөдөх чинь босжийна. Тийм байлгүй дээ. Нэг машинд сууж байна. Дугаар нь сеөүлийнхийг бодвол энэ хүнч бас сеөүлээс ирсэн байх нь ээ. Сеөүл чинь эндээс аймаар хол ш дээ. Би ч яахав 5 алхаал гэртээ орчихно. Харин энэ хүүхэн яаж 5 цаг машинаар явна аа. Нойргүй хонох нь бас ойлгомжой боллоо. Ахиал өрөвдөх сэтгэл төрөв...

Зохиолын дүрүүдэд.

  1.   Далайн эрэг дээр суугаа хүүхэн:  би байсан байхгүй юу. хэхэ Шөнийн далай ямархуу мэдрэмж төрүүлдэгийг харах гэж очсын. Сүрдмээр аймаар бас л сонин мэдрэмж төрдөг юм билээ.   
  2.  Хүүхнийг ажиглаж байсан хүн: хэхэ Басл би
    2009.11.13 орой 14-ий үүр. Бодит үйл явдлаас сэдэвлэв.

Tuesday, November 10, 2009

Бэббэрү дэи

Өнөөдөр Бэббэрү дэи. Монголоор шагшуурганы өдөр. Анх Солонгост ирж байхдаа гайхаж билээ. Хүн болгонл гоёор боож багласан шагшуурга барьчихсан нэгл жаргалтай харагдаад байсан. Учир нь энэ өдөр буюу 11:11 өдөр нь хайртай хүмүүстээ шагшуурга бэлэглэдэг өдөр юм гэнээ. Өвөрмөц аятайханл юм. Бизнесийн санаа гэж энийгл хэлдэг байх даа. Анх хэзээч юм бэ шагшуурга үйлвэрлэдэг компани 4 ширхэг нэгийн тоо давхцсан өдрийг хайртай хүмүүстээ шагшуурга бэлэглэдэг бэббэрү дэи гэж зарлсан нь оновчтой бас өвөрмөц санаа болж чаджээ. Мэдээж энэ өдөр шагшуурганы борлуулалт асар их байх нь ойлгомжтой. Энэ солонгосчуудч тэгээд шинэ юмыг хүлээж авч хариу үйлдэл үзүүлэхдээ сайн хүмүүс юм. Ямар сайндаал шинээр гарсан киноны нээлтийг хамгийн эхлээд Солонгосын зах зээлд туршиж үзээд амжилт олох эсэхийг нь урьдчилан таамаглаж болдог гэж байгаа. За тэрч яахав энэ бэббэрү дэигээс гадна энд чинь Black day(4:14синглүүд нь хамтдаа цуглан жантай гоймон идэж сэтгэлээ онгойлгодог өдөр), White day (3:14) өөр юу юу билээ дээ иймэрхүү өдрүүд асар их байдаг гэж байгаа. Гэснээс өнөөдөр надад шагшуурга бэлэглэх хүн олдох нь уу. хэхэ

Sunday, November 8, 2009

22

Лаа. найзууд. бялуу. хүсэл. инээд. бэлэг. караоке. амттай. гоё. мартагдахгүй. цор ганц. бөөн бөөн паян. баярын нулимс. догдлол. дарс. хундага. бийр. сэтгэлийн үгс. өнгийн тууз. чимээ. бууз. бантан. цуйван. хуушуур. каре. цагаан. дуу. үнэн. тоглоом. аз жаргал. бүжиг. кола. жимс. малгайтай цамц. мамагийн цув. нэнигийн ороолт. үнсэлт. тэврэлт. 12. өглөө. гол. зураг. хөгжилтэй. алхаа. хайр. видео. дурсамжийн дэвтэр. гоё үг. онигоо. түүх. улаан цув. нугасны муухай дэгдээхий. далайн од. мэссэж. коммент. тулгах чимээ. 2 европ. од. нар. сар. өндөр байшин. үлдсэн помидор. Кадр. Том. Мама. Нэни. Дого. Каролин. Орших. Лисс. Б-гүүдэй. Ха-ша. баяр. дурсамж. Чунну. Коко. яриа. хөөрөө. хагарсан сткан. такси. охидын хамтлаг. шинэ танил. туршилт. 3-6-9. ногоон таглаа. нимгэн сткан. киви жүүс. өнгийн шаар. баярын карт.

Ээ дээ энэ хүмүүс үү...

Нийгэм-хүн хөгжинө гэж айхтар юмаа. Би саяхан 2 дараалаад гүн шоконд орлоо. Гэхдээ их гэгээлэг шокл доо.:))
Саяхан найман нас дөхөж яваа дүүтэйгээ чатлах боловоо.Гэтэл дүүгийн маань криллээр шивэх хурд, ярианы түвшин, эмотикон хэрэглэж байгаа байдал нь надаас дутах юм ер алга. Тэрч бүү хэл миний хэдэн жил ноцолдоод дийлэхгүйл яваа англи, солонгос хэлийг чөлөөтэй хэрэглэж байна гээд боддоо. Ийм юм байж болохуу? За тэгээд цаашаа гадаад дотоодын хэний ямар дуу хит болж ямар кино хаана нээлтээ хийж байгаагаас авахуулаад мэдэхгүй юм огт алга. Хэд хэдэн удаа хэлэх үггүй болтлоо шоконд ороод, лап топныхоо ард ганцаараа бантаад авсан. (энэ бичлэгийг маань бас олоод уншчихвий дээ..хэхэ) Одоогийн хүүхдүүдүү. Айхтар болжээ.
Гэтэл яав. Сая дөнгөж ная дөхөж яваа эмээ маань мессенжерт фриенд рекүест явуулсан байхым. Мессенжерээ нээтэл эмээгийн нэр гараад ирэхээр нь аймаар гайхлаашд. Арай худлаа байлгүй дээ гээд цааш нь хартал" эмээ нь байна аа" гэцэн байна. Өө за за. алдым байна. хэхэ
Хэлэхч үг олдохгүй нь. Хэсэг паникдаж байснаа Фамили гэдэг груп нээгээд эмээгээ нэмчихлээ. Харин дараа нь эмээтэйгээ хол ойрын хамаг сонин сайханыг хамж ярилцаад үнэхээр гоё байлаа. Эмээч завтай юм болохоороо Монголын улс төр, нийгмээс эхлээд гэр бүл хамаатан саданд ойрын үед болсон сонин сайхныг нэгд нэгэнгүй ярьж өглөө.
Гүй ээ бас сонинл юм. Одоо болтол нээх итгэгдэж өгөхгүй байгаач ямарч л байсан их гоё мэдрэмж төрж байхым. Би ч хол хоцрогдож байгаам байна даа. Хүн, юм хөгжинө өө гэж...

Monday, November 2, 2009

1000 лангийн үнэтэй шөнө


Муу хүн зар зарсан хойно оо өр гэгчээр хэдэн хятад оюутнуудад чадуулаад нойргүй хоносон шөнийн минь тоо нэгээр нэмэгдлээ. Эхлээд уур хүрч байсанч харин яг одоо эсрэгээрээ баярлах шиг.Гэхдээ тэд нарт баярлах нь ч юу юм. Харин унталгүй пресентэшэнээ хийж дуусгаад дээр нь нэг кино нэмж үзээд бас блогтоо нэг бичлэг нэмэх зав гарсандл баярлаж сууна. Би гэдэг хүн бас хаагуур зугаалж яваад ийм сайхан киноноос хоцорчихдог байнал гэж бодлоошд. Тэгэхээр киноны маань нэр нь "Ай эм Дэвид" . 2003 оны бүтээл юм байна. Харин ном нь 1963 онд анх хэвлэгдэж.
киноны тухайд:
A boy's perilous escape from a post-WWII labor camp becomes an inspiring adventure of transformation as he crosses Europe on a secret mission and uncovers both a world of unexpected wonders and his true identity in I AM DAVID. Winner of numerous awards and accolades at film festivals around the world, I AM DAVID is family entertainment that is not just a suspenseful thriller, but a stirring human story about a child's unbreakable spirit and wit in the face of tremendous obstacles. As David treks through danger and beauty, across spectacular landscapes and foreign cultures, he encounters sights, sounds, friendships and emotions that are thrillingly new to him. Having learned what it is to be hunted, David at last discovers what it means to have hope.The story of I AM DAVID is based on Danish writer Anne Holm's celebrated 1963 novel of the same name, which until recently was published in the U.S. as North To Freedom.

Адал явдал, сэтгэл хөдлөл, айдас, хайр, хүнд итгэх итгэл, хүний- нийгмийн сайн муу тал, дайны хор уршиг зэргийг маш энгийн аргаар илэрхийлсэн маш сайн зохиол мөн маш сайн кино болсон байна. Энд тэндээс авсан нийт шагналынх нь тоо 8, нэг удаа нэр дэвшиж байсантай нийлээд бараг 9 гэсэн үг. За тэгээд миний нуршуу тайлбар хэрэггүй биз дээ.
Энэ киноны саундтрак нь Даймэн Райзын "Колд вота" юм байна. Хамгийн сэтгэл хөдөлгөсөн, киноны гол утга учир яг тайлагдах үед намуухан эгшиглэх нь өөрийн эрхгүй нүднээс нулимс унагааж байна лээ. Мөн Вивалди(Antonio Vivaldi) гэгч хүний зохиосон "винтэ " (фром фо сийсэнь) аялгуу голоор нь явдаг юм байна. Энэ хүний талаар киног үзсэний дараал анх олж мэдлээ. Нэртэй Италь хөгжмийн зохиолч юм байна. 4 улирал хэмээх хийлийн цуврал аялгуураараа алдарт гарч. Нэг сумаар хоёр туулай буудна гэдэг шиг би бүр өнөө шөнө гурав дөрвөн туулай буудсан олз омогтой шөнө байлаа. Сүүлийн үед хийл гэгч хөгжимд автчихаад байгаа. Сурахын бөөн хүслэн. Гэтэл ийм өвөл, зун, хавар, намар гэдэг цуврал хийлын гоцлол хөгжим байдаг гэдгийг мэдэж авлаа. Бүүр баярлаад хөл газар хүрэхгүй байна аа. хэхэ
Энэ цуврал хөгжимийн талаар дараа блогтоо оруулна аа.
Аан энэ киноны талаар бас нэг таалагдсан зүйл нь юу вэ гэхээр амьдралын үнэнийг, гүн агуулгатай философийг хэдхээн энгийн үгээр илэрхийлж хүнд хоёрыг бодогдуулж чадаж байгаа тал нь юм. Түүнийг би энд дурдаад яахав өөрсдөө үзэхээр аяндаа чихэнд чинь арай өөр сонсогдоод ирнэ. хэхэ

Зиа би бичлэгээ үүгээр өндөрлөе дөө. Хичээлдээ явах цаг дөхөж байна. Инжой дэ мүви!!! :)

Надад "If u're alive u can change things. If u're dead u can't. " гэдэг үг таалагдав. Бас Smile :))))

Thursday, October 15, 2009

Уулзалт

Өнөөдөр их гоё өдөр байна аа. Инээд хөөр, ухаарал тэгширсэн нэг л өөр учир утгатай өдөр. Тэгээл шууд гэртээ орж ирээд энэ өдрийн талаар тэмдэглэл бичихгүй бол болохгүйм шиг санагдаад.
Тэгэхээр Би өнөөдөр нэг хүнтэй уулзсымаа.
Өглөө 11цагт уулзахаар 7 хоногын өмнө цаг тохирсын. Нээх сайн таньдаг хүн биш.Одоогоос 3 орчим жилийн өмнө Монголд байхдаа энэ хүний хийсэн семинарт(project management) сууж байсан удаатай. Тэгээл тэрнээс хойш ямарч холбоогүй. Хэдхэн өдрийн семинар байсан ч надад маш гүн сэтгэгдэл үлдээсэн хүн.
Энэ хүний талаар тухайд гэвэл:
Эмэгтэй, солонгосын нэртэй компанид нөлөө бүхий ажил хийдэг. Байгаа байдал нь маш энгийн. Хүүгийн ээж, хүний эхнэр. Эмэгтэй хүний үзэсгэлэн гоог өөртөө шингээсэн. миний мэдэх зүйл гэвэл нэг иймэрхүүл. Аан одоо 30 жаахан гарч яваа боловуу гэмээр. Ерөнхийд нь тодорхойлвол бие жижигтэйч бэлчээр томтой гэдэг дээ. Яг л тийм хүн. Маш санамсаргүй тохиолдолоор энэ хүнтэй ахин уулзах боломж тохиов.
Тэгээд болзсоноороо уулзаж хамт хоол идчээд кофе уунгаа ганцхан цаг яриа өрнүүллээ. Ажил ихтэй, хүн амьтантай яриа өрнүүлж суух завгүй энэ эмэгтэй жирийн нэг оюутан надад бүхэл бүтэн 2 цагыг гаргасан гэдгээрл баярламаар.
Би гэдэг хүн шөнө нь унтаагүйгч хэлэхүү. Метронд согтуу амьтан шигл явсаар арай гэж зорьсон газраа өнгөрөөчилгүй буулаа.Намайг харав уу үгүй юу нээх гоё инээмсэглэл цацруулсаар ирж мэндээ мэдэлцээд бүүр сугадаад авлаа. Сайн энергитэй хүн цаанаал өөр юм. Танихгүйн дээр мундаг хүн юм болохоор нь би гэдэг чинь хэрэндээл бие ээ бариад, хамт байх хугацаа жаахан тавгүй байх бий гэж айж байсан ч огт хэрэггүй юманд санаа зовжээ. Али хэдийнэ биесээ мэдээд удалцсан, дотно хүмүүс уулзаж байгаа юм шигл мэдрэмж төрөв.
Эхлээд бид хоёр түүний ажлийн талаар ярьлаа. Дараа тэгээл хичээл ном ярьж байснаа сүүлдээ гэр бүлийн яриа дэлгэгдлээ. Хүүгийнхээ зургийг үзүүлээдл хэнийг илүү дуурайсаныг нь хэлээдл. хүү нь маш хөөрхөн. Ээжийгээ илүү дуурайсан юм шиг санагдасан. =)
Ганцхан цагт хичнээн ч олон зүйлийн талаар ярьж амжсан юм бэ. Би ярьж байх бүх хугацааны туршид тэр эгчээс нүдээ салгаж чадаагүй. Эгч маань(эгч гэж дуудах нь илүү таалагдаж байна) өөрийнхөө туршлагыг надтай хуваалцаж чин сэтгэлийн зөвөлгөөч өгөв. Сүүлдээ бид хоёрын ярианы сэдэв өргөсөж улс орныхоо тухайч ярьлаа.
Энэ уулзалтыг ерөнхийд нь дүгнэж хэлэхэд сүүлийн хэдэн жилд байгаагүй хамгийн богино хугацааны хамгийн үр дүнтэй, олон зүйлыг хөндөж, олон зүйлийг эрэгцүүлэхэд хүргэсэн уулзалт байлаа. Аан бас хамт байсан бүх хугацааны туршид бид хоёулаа инээж байсан.
Зиа тэгэхээр яагаад энэ бүгдийг би яриваа гэхээр:
Уулзалт гэдэг маш чухал эд юмаа. Хэнтэй хэзээ уулзсанаас шалтгаалаад асар их зүйл өөрчлөгддөг. Би хувьдаа хүн амьдрах хугацаандаа зайлшгүй уулзах ёстой гурван хүн байдаг гэж боддог.
1. Сайн найз
2. Сайн багш (амьдралын багш гэхүү дээ)
3. Сайн хань
Эхнийхтэй нь аль хэдийнэ уулзчихсан. Хоёр дахийн хувьд би олон сайхан багштай хөөн.Чин сэтгэлээсээ зааж зөвлөдөг хааяа бүүр зэмлэдэг багш нар надад хэд хэд бий. Тэднийхээ ачаар өдий зэрэгтэй яваач гэж боддог. Тэгээд тэдний минь нэг өнөөдрийн уулзсан эгч байгаасай гэж би дотроо нууцхан хүсээд амжсан. Харин 3 дахийг бол хараахан хэлж мэдэхгүй нь.
Тэгэхээр яагаад өнөөдөр учир утгатай өдөр вэ гэхээр би 2 дахь уулзах ёстой хүнтэйгээ уулзсан болохоор тэр. Хойшдоо харилцаагаа улам өргөсгөж их зүйлийг сурна гэж итгэж байна.
Хамгийн сүүлд нь нэг юм нэмж хэлэхэд энэ дэлхий дээрх зургаагын зургаан тэр бум сайн муу холимог хүмүүс дотроос хамгийн сайн хүмүүстэй нь Бурхан намайг уучруулдагт би туйлын баярлаж явдаг юм.

Tuesday, September 29, 2009

Найз охин тань баасан гаригын орой шоудаж байх магадлал

Зиа би гэдэг хүн чинь сүүлийн үед статистик, магадлал гэгч зүйлтэй зууралдаад байгаа. Тэгсэн өчигдөр ном харж сууснаа нээх гоё бодлого олж уншив. Урьд нь физикийн бодлого бодоходл гоё мэдрэмж төрдөг байж билээ. Тэгтэл сонин тохиолдлоор энэхүү бодлогыг уншаад маш их инээв :)). Бас бодох хүсэл төрөв. хэхэ

Зиа ингээд бодлогоо толилуулъя.
Болдын найз охин нь 5 дахь өдрийн орой 10 цагын үед Болдыг гэрлүү нь залгах үед нэг бол гадуур шоудаж байна, эсвэл гэртээ унтаж байна, эсвэл гэртээ сэрүүн байна. Болд 3 удаа дуудаад утсаа авахгүй бол таслана. Утас 3 удаа дуудахаас өмнө найз охин нь утсаа авах магадлал нь
-хэрэв найз охин нь гадуур шоудаж байгаа бол 0
- гэртээ унтаж байвал 1/3
- гэртээ сэрүүн байвал 2/3 болно. Болдын бодлоор найз охин нь орой 10 цагийн үед гэртээ байх магадлал болон гадуур шоудаж байх магадлал нь тэнцүү тавь тавин хувь. Энэ нь Болд өөрийн туршлага дээр үндэслэн гаргасан тоо юм. Хэрэв найз охин гэртээ байх тохиолдолд унтаж байх магадлал болон сэрүүн байх магадлал нь бас тэнцүү. Түрүүхэн орой 10 цагийн үед Болд маань найз охиныхоо гэрлүү залгалаа. Аль хэдийнэ 3 дуудчихаад байхад утсаа авсангүй ээ хөөрхий . Тэгвэл Болд маань найз охиноо гадуур шоудаж байх магадлалыг хэд гэж үзвэл зохих вэ?

Амьдралд асар ойр жишээ болоод ч тэрүү хүмүүсээр бодуулж үзье гэж бодоод. Зиа тэгээд санаа оноо байвал бичээд байгаарай. Дор нь л олох бх л даа. хэд хоногын дараа бодолтыг нь comment-r бас оруулна аа.

Жич: энэхүү бодлогыг солонгос номноос хөрвүүлсэн бөгөөд миний бие Монгол хүсүүст ойр байлгах үүднээс солонгос нэрийг Болд болгож, 5 дахь өдөр болон шоу гэсэн 2 үгийг шинээр нэмсэн бөлгөө. хэхэ

Monday, September 21, 2009

Эр хүн Солонгос охидын нүдээр

Өнөөдөр банк орох ажилтай байсан болохоор үдээс хойш Хана банкан дээр очлоо. Оочир тийм их бишч миний өмнө арваад хүн байна. Тасалбараа авчаад гарах гэтэл ороход шивэрч байсан бороо жинхэнэ хувин хувингаар цутгаж байх нь тэр. За хэдэн минут хаана юу хийж өнгөрүүлэх вээ???
Эргэн тойрноо харав. Хажууханд нэгэн самбар байхын. дэргэд нь оюутнууд стикер наагаал хоорондоо жив жав ярилцан инээцгээгээдл. Сонирхоод очиж үзэхээр шийдлээ. Гэтэл самбар дээр нэг талд нь Охид, залуусын нүнээр нөгөө талд нь Залуус, охидын нүдээр гэсэн санал асуулга бололтой зүйл байна. Энэ нь дотроо хоёр хоёр асуулттай. Би эмэгтэй юм болохоороо залуус, охидын нүдээр хэсэг дээр нь хэдэн стикер наалаа.

Санал асуулга нэг иймэрхүү хэлбэртэй.
1. Ямар залуусыг хамгийн сэтгэл татам гэж боддог вэ?
а. уулзсаныхаа дараа үргэлж гэрт хүргэж өгдөг залуу.
б. Хоолны тооцоог байнга хийдэг залуу.
в. Хамт байхад үргэлж инээлгэдэг залуу.
г. цүнх өргөж өгдөг залуу.
2. Ямар залуу хамгийн арчаагүй инээдтэй санагддаг вэ?
а. охидын зөвхөн царайг хардагаа нууж чаддаггүй залуу
б. жаахан хүүхэд шиг хажуудах охиндоо эрхэлдэг залуу.
в. Ирээдүйн төлөвлөгөө нь бүрхэг залуу.
г. эмэгтэй хүнд өөрийгөө магтдаг залуу.
асуултын хувилбар бүрийн доор стикер наах зайтай.
энэ бол зөвхөн эмэгтэй оюутнуудын стикер наах асуулт. Нөгөөхийг нь санаа зовоод харж ч чадсангүй. Бөөн залуучуудл хоорондоо яриадл инээгээд л наагаад л байсан.
Харин миний хувьд 1в,2в хоёр дээр нэг нэг стикер наачлаа. Уг нь яг наахыг хүссэн хариулт байхгүйл байна л даа. Гэхдээ яахуу цаг нөхцөөе.
Дараа нь солонгос охид ер нь аль хариулт дээр олныг нааж вэ гээд ажигласан чинь 1б, 2а дээр бараг 3 дахин их стикер харагдаж байхын. Энэ санал асуулга дээр стикер наасан ганц Монгол нь би бусад нь бүгд солонгос охид. Тэгэхээр эр хүн гэдэг солонгос охидын нүдээр 1б, 2а болж таарах нь.
За за ямарч байсан хэдэн минут дорхноо зугаатай өнгөрчлөө. Банкны оочерч болж байна явий дөө.

Wednesday, September 2, 2009

Бректайм

Хичээлийн 2 дахь өдөр. Удаан хугацаагаар сургуульруу зүглээгүй. Өглөө босох майр хэцүү байнаа. Аргагүйш дээ. Бүтэн 3 сар өдөр шөнөө сольж амьдарсан юм чинь. Өнөөдөр золтойл нэг хичээл таслачихсангүй. За тэрч яахав харин одоо орой болжийна.
Түрүүнээс хойш бүтэн 6 цаг галзуу ягаанаа ширтлээ. Нүдээ амрааж өөр юм хийлгүй горьгүй ээ.
-Юу хийхүү??
-Сагс тоглий.
-Хэнтэй??
-Харин? За ямарч байсан гарий. Ингэж сууж тэвчихгүй нь. Хувцасаа сольж өмсөөд мини Ай-подоо аваад өөр чинь....мммм.. түлхүүр картаа авах хэрэггүй. Аан хамгийн гол нь бөмбөг.
Хамт тоглох хүнгүй нь горигүй дээ. за яахав хэд шидэж байгаал ирэхээс.
5 минутын дараа.
Хөөх!!өнөөдөр чинь шийдэн дээр ямар олон хүн байна аа...
Яршиг ийм олон юмнуудын хажууд яаж ганцаараа шиддийн.
Дээр суунгаа жаахан хүлээхээс...хмм
ladies!! la..la..ladies..here we go............лалалааа сайн нөхөр шүү. Миний мини ай-под. хэхэ
20минутын дараа.
Өө ашгүй нэлээн олон жаахан хүүхдүүд явжийна. хоёр гурван ч шийд суларчихлаа. За бууя дөө.
Эхний шидэлт орсонгүй ээ..:(
Хоёр дахь шидэлт............. орчлоо.. хэхэ :)
тэрнээс хойш нэлээн хэд дараалаад хийчлээ. Ингээл шидэх дуртай байдаг байхгүй юу. Хүчгүйн байж гурваас шидэх дуртай...гэхдээл орчоод байдийн. Эрэгтэй хүүхдүүд шиг шиддэггүйл дээ. сурах гэж хичээж байгаач анхнаасаа өөрөөр шидсэн болохоор хэцүүм байна лээ. за орж л байвал яаж ч шидсэн яадийн.
Өө.. би чинь энд бүтэн цаг гаран байчихсан байна ш дээ..
За орий дөө. Маргааш бас эрт хичээлтэй.
7минутын дараа. .
Ахиад л галзуу ягаанаа ширтчихсэн сууж байх шив дээ.
ингээд бичсэн чинь дүгнэлт ч гарч ирэхгүй.
Би өнөөдрийг ямар сонин өнгөрөөчихсөн юм бэ.
за за биеээ нэлээн ядраачихсан нойр хүрч байна. унтийдөө.
Аан нээрээ би ойролцоогоор 200 гаруй шидсэнээс 70 орчим нь орсон байх..хэхэ наддаал чамлахааргүй амжилт. за сайхан амраарай бэби.

Tuesday, September 1, 2009

Их юм хэлдэг кино



Энэ удаад өөрийнхөө хамгийн дуртай кино "Блак"ын талаар бичиж байна. Одоогоос 6 сарын өмнө ч билүү үзсэн юмдаг. Харин удахгүй том скрийнээр ахиад үзэх боломж гарсанд тун баяртай байгаа бөгөөд энэ киног үзээгүй хүмүүст "юу маст сий" гэж хэлмээр байна.
Сохор дүлий Мишээлийн дүрд (Rani Mukherjee), харин түүний сохор хөгшин багш Дэбражийн дүрд (Amitabh Bachchan) хэмээх жүжигчид тус тус тоглосон.
Ер нь сүүлийн үед Болливүүдийн кинонууд маш их таалагдаж байгаа. Үүдээд энэтхэг жүжигчидээс эхлээд энэтхэгийг маш их сонирхох болоод байгаа.
Тун удахгүй... Тэр гайхалтай улсад зочилно гэж найдаж байгаа.

Миний хувьд энэ киног "их юм хэлдэг кино" гэж тодорхойлчоод байгаан. :)

эмээгийн бэлэг



Энэ миний блогийн хамгийн анхны бичлэг. Яагаадч юм эмээгийнхээ талаар бичмээр санагдаад.
2008 оны хавар. Солонгос улсад суралцахаар явахдаа миний хийж амжилгүй үлдээсэн ганцхан зүйл эмээтэйгээ уулзах байлаа. Хэдхэн километрын цаана орших эрдэнэт хэмээх жижигхэн бас дулаахан хотод эмээ маань амьдардаг. Ач охиноо эрдэмийн мөр хөөн хүний нутгийг зориход нь зүүн хацар дээр үнсээд эргэж ирэхээр нь баруун хацрыг нь үнсэнээ гэж хэлэн үдэхийг эмээ маань чин сэтгэлээсээ хүсч байсан нь лавтай. Эмээ дээрээ очоод явах ёстой шүү хэмээн байнга өөртөө сануулж байсан ч цаг хугацааны аргагүй гачигдлаар эмээтэйгээ уулзаж чадалгүй зөвхөн утсаарл сайн сууж байгаарай, охин нь удахгүй амтралтаараа хүрээд ирнэ гэж хэлж амжсан юм. Ингээдл гуравхан цагийн дараа би битүү бөгчим агаартай Солонгос гэгч улсад 2 дахь удаагаа хөл тавих нь тэр. Тэгээдл хичээл ном, аялал зүгаалга гэсээр байтал нэг жилч миний хувьд нүд ирмэхийн зуур өнгөрлөө.

Ямар гоё юм бэ. Гэртээ харина. Ээж, аав,эмээ, найз нартайгаа уулзана. Ингэж бодохоор бүтэн долоо хоногийн өмнөөс нойрч хүрэхээ байлаа.

2009 оны зун. 7сарын 14ний өглөө эмээтэйгээ очин золголоо. Гэхдээ эмээ маань урьдынхаасаа нэгл өөр. Тураад нэгл жижигхэн болчихсон юм шиг.

Аймаар юмаа. Итгэмээргүй юм. Өвчин хэлж биш хийсч ирдэг гэсэн. Намайг явахад зүв зүгээр байсан эмээ маань улаан хоолойн хорт хавдар хэмээх айхтар өвчин туссан гэдэгт үнэндээ итгэж чадахгүй, үгүй ерөөсөө итгэхийг хүсэхгүй байна. Эмээ маань намайг хараал нулимсаа тэвчиж чадахгүй. Байн байн барьж үнсээдл. Хүүгээ ээж нь ингээл хүрээд ирнэ гэж мэдээд байсан юм гээдл. Өвчин гэдэг үнэхээр аймаар юм. Урьдын байсан бадриун чийрэг эмээг маань ямарч хүчгүй жижигхэн болгочихсон. Эмээгээ хараад юу гэж хэлэхээч мэдэхгүй. дотор давчдана. Бүх зүйлд уур хүрнэ. Яагаад юм бүхэн ийм шудрага бус юм бэ. яагаад яагаад заавал манай эмээ гэж. ачийг нь ч хариулж ганц болтугай баярлуулж амжаагүй байхад. Эмээдээ хийж өгч үзүүлж харуулах зүйл зөндөө ихийг бодож төлөвлөчихөөд байхад. Ядаж ганцыг нь ч болтугай хийж өгмөөр байхад. ........

Миний эмээ нэг өдөр яваад өгнө гэж даанч зүүдлээгүй явж дээ. Ядахдаа зүүдлэсэн бол эртхэн эмээгээ ганц ч гэсэн баярлуулж эмээгийнхээ үгэнд сайн орж байх минь яав даа. Бүх зүйл өнгөрсөний дараах тэнэг хамарсал гэдгийг мэдэж байна л даа. Одоо хамарсахад дэндүү оройтож дээ.

Эмээ маань үүрд явахаасаа өмнө надад бэлэг болгож мөнгө өгөхөд нь авахгүй гэсэн боловч хүчээр миний карманд хийчихсэн юм. Одоо бодож байхад тэр мөнгийг авсан нь ямар их аз вэ. Эмээгийнхээ гараас авсан сүүлийн бэлэг. Тэр үед даанч эмээгээ ингээл яваад өгчихнө гэж төсөөлөөгүй байсан юм.

Бүх зүйл гэнэт болоод өнгөрчихсөн. Нэгл өглөө эмээ маань байхгүй болчихсон. Сэтгэл хоосроод дотор давчдаад. Би ерөөсөө итгэж чадахгүй нь. Сая намайг амралтаахаа ирэхэд намайг үнсээдл хамт зураг авахуулаад байсан эмээ маань эрдэнэт хотдоо одоо болтол байгаа юм шиг.......................

Эмээгийнхээ өгсөн мөнгийг өөр зүйлд үрээгүй ээ. Үрж алга хийхэд дэндүү хайран санагдаад. Эмээгийн минь өгсөн сүүлийн бэлэг.
удаан бодсоныы эцэст цаг авахаар шийдсэн юм. Цаг хугацаа зогсдоггүйг нь, мөнхийн бэлэгдэл хэмээн нэрлэгддийг нь ч бодож эмээтэйгээч бас үүрд хамт байхын бэлэгдэл болгож цаг авсан.
Авсан цаг маань таалагдсан. Байнга зүүж байгаа. Цагаа харах болгондоо эмээгээ бас санаж байгаа. Цаг хугацаа харавсан сум шиг улираад оддогын сургамжийг санаж хайртай хүмүүстэйгээ хамт их цагийг өнгөрүүлж байхаар өөртөөч бас амлачаад байгаа. Цаг баридаггүйн том дутагдлаа засна гэж бодож байгаа. Эмээ маань миний энэ үйлдлийг хараад баяртай байгааг нь би бас мэднэ.
Нэгч удаа хэлж амжаагүйч заавал ганц ч болов хэлмээр байсан үг. Эмээ охин нь таньдаа хайртай.